Abbas mazhab-e-wafa ka akaila iimam hai

Abbas Ki Nigah Main Kiya Foj-E-Sham Hai,
Abbas Murtaza Ki Tamanna Ka Naam Hai ,
12 Imam Mazhab-E-Isalm Main Howye,
Abbas Mazhab-E- Wafa Ka Akaila Imam Hai

talwaar haq nay di hay magar hath daikh kar

Jalte Ho Kiun Ali Ke Kamaalaat Dekh Kar
Izzat Khuda Bhi Deta Hai Ouaqat Dekh Kar
Milti Jo Ese Weso Ko Hilti Na Zulfiqar
Talwaar Haq Ne Di Hai Magar Haath Dekh Kar

baiteay rahe hussain ibaadat khari rahi..

Aezaz-e-Mustufa mein shariyatat khari rahi,
darwaza-e-Batool pe rehmat khari rahi,
dosh-e-Nabi pe sajdy mein a kar charhy Hussain,

baithey rahe Hussain Ibaadat Khari rahi

jo log waqf hain shabbir ki azaa kay liye

Jo Log Waqf Hain Shabbir Ki Azaa K Liye
Woh Log Bais-E-Izzat Hain Mustafa K Liye
Sana-E-Sibte Nabi Main Zuban Kafi Nahi
Kaleja Chahiye Shabbir Ki Sana Ke Liye

mere hussain ki ab tak namaaz jari hay

Jabeen-E-Ibn-Ali Ki Niyaz Jari Hai
Khuda Ke Deen Ki Umer-E-Draaz Jari Hai
Sajde Main Sar Ko Rakh K Sar Ko Na Uthaya Hussain Ne

Mere Hussain (A.S) Ki Ab Tak Namaaz Jari Hai

mot haidar kay ghulamoun ko kahan ati hay

mot jab sahib-e-kirdaar se takrati hai
vo to marta nahi khud mot hi mar jati hai
ye to zariya hai mulaqat-e-ALI ka varna
mot HAIDER ke ghulamon ko kahan aati hai

aye kalma go bta

Aye Kalma go, Bata k hua kaarsaaz kon
Guzra jo, Barchion mein Ibadat nawaaz kon
Masjid ke saamne tujhe, Matam hai nagawaar

Dete na Sar Hussain(A.S) to, Parhta Namaaz kon

Ali Ali haq Ali

ham jahan taaziya rakh dein vahan aa jaaye bahisht
ham bhala kiun phirein rizvaan ke aage piche
zikre haidar main karun gar to vo kiun kar hoga
kiya zuban kholun main qur'aan ke aage piche

Zahoor-e-MAULA-e-KAINAAT Hazrat ALI IBN-e-ABI TALIB MUBARAK

noor ke tukrry agar kartaa na rabbe zuljalal
sara qur'an hi chala aata abutalib ke ghar
vo to kahiye agayien kabe main khud binte asad
varna kaba hi chala aata abutalib ke ghar

Salam Ya Shah-E-Mashraqain

Yeh Baat Sirf Khatam Nahi Mojizaat Per
Bakhshish Bhi Dhoondti Hey Shah-E-Mashraqain Ko
Mehmaan Ban Ke Aaya Tou Jannat Khareed Li
Hur Kitna Janta Tha Mizaaj-e-HUSSAIN Ko

Mat Dhund ALI Ko...

Mat Dhund ALI Ko Yaron Main
Hai Fark Bara In Charon Main
Aik Rota Raha Hai Gharoon Main
Aik Phirta Raha Kaffaroon Main
Aik Marwan Ke Rishta Daroon Main
Aik Mila NABI Ke Piyaroon Main
Ab Sooch Zara Tu Aay Muslim
Kia Farq Nahi In Charoon Mai

Betho Nabi Ke Pass Jo...

Betho Nabi Ke Pass Jo Farmaan Chahiye
Jao Ali Ke Pass Jo Emaan Chahiye
Awaz De Raha Hey Jahan Ko Mah-E-Sayam
Zahrah Ke Ghar Mein Aao Jo Quran Chahiye

Nad-e-Ali

so bar le gai sar-e-bazaar zindagi
har baar maine apna aqida bacha liya
maine parhi thi apni hifazat ke vaste
Nad-e-Ali ne sara ilaqa bacha liya

Haidar Haidar

Shab safar main kat rahi thie dil mera kehta raha Haidar Haidar
Jab najaf pohancha to har ik simat se aai sadaa Haidar Haidar
Bas ye do nuskhe mareezoun ke liay ikseer hain
Ik najaf ki he fiza or doosari khake shifa
Khud kaha MOLA ALI (a.s) ne qabar main aoun ga main
Is liay sab mominoun ko achi lagti he qazaa
Janatain kartein hain sajda meri manzil ki taraf
Ye jinah to aik rasta he bara-i-karbala
Jis ko dunia ke shifa khane na sehat day sakain
Hazrate Abbas (a.s) ke parcham ki us ko do hawa
Har ik maraz main Sayed-e-Sajjad (a.s) hi ka name lo
Ik yehi bemar he jo sab ko deta he shifa

Jale ALI sy magar...

jale ali se magar koi kuch bana na saka
ali sa martaba koi khalifa pa na saka
ali ke vaste talvaar ayi jannat se
koi farizhton se khurpa talak manga na saka

Allam ABBAS ka

Allam Abbas ka jis din se rakha hey ghar mein
Khud hi Karbala hoke hawa aati hey
Na mumkin hey mujhe chuley koi bemari
Mere ghar leke hawa Khak-e-Shifa aati hey

Salam Ya Siddiqa-e-Sughra YA ZAINAB (a.s)

Basad khulus basad ehtram kehta hay
Har aik hi usko aa’ala muqam kehta hay
Salam bheja hay jab sy Ali (a.s) ki beti nay
Zmana Hur ko alaih-e-salam kehta hay

Qasar-e-jannat teray rozay sy haseen tar to nahi

Kiya karun kesay sametoun main bhala teri atta
Mera daman teri bakhshish kay barabar to nahi
Main jahan bhi rahun bas tery saya-e-Rehmat main
Pass sab kuch hay mery aman ki chadar to nahi
Chumaty dekh kay logoun ko ghelaf-e-Kabba
Ye guman honay laga ye teri chadar to nahi
Aa rahi hay mujhay firdos sy matam ki sadaa
Qasar-e-jannat main aza khana-e-sarwar to nahi
Is liye chor kay main aa giya ferdos-e-bareen
Qasar-e-jannat tery rozay sy haseen tar to nahi
Hai mujh par ye karam tera kay hun ghulam tera
Varna sach ye hai kay layeq tera nokar to nahi
Aati hain hazrat-e-maryium bhi suye tasleemaat
Yun to masooma hain tery barabar to nahi

Salam YA HUSSAIN (a.s)

sabar-o-sakoon ka naz wohi dil ka chain hay...

mazloom ho kay bhi jo shah-e-mashraqain hay...

poochi mata-e-daman-e-islam jab kabhi...

Islam keh utha mera sab kuch hussain hay...

Assalamoalaka ya Umm-ul-Aimma

Kamal-e-wahdat hai naam is ka jama-e-wajh-e-RASOOL bhi hai…
Ye deen-o-imaan ki rooh bhi hai dil-e-froo-o-asool bhi hai…
Naveed bagh-e-behshat bhi hai, kaleed-e-bab-e-qubool bhi hai...
Zameen pay ho to ALI ki zoja, falak pay ho to BATOOL bhi hai...
Issi sy aghaz hai imamat, yahien risalat ka khatma hai…
Nazar utha kar na daikh adam hijab-e-ismat main FATIMA hai…
Ye fikar-e-mariyum ki shahzadi ye qul hu ALLAH ki shahida hai…
Khata ka imkan nahie hai is main ye roz-e-awal ki zahida hai…
Mubahila ki safoun main dekho to haq ki pehli mujahida hai…
Main khud hifazat karun ga iski, ye is say mera muahida hai…
Wo yun kay oj-e-mizaj-e-haq kay tmam sehray issi kay sar hain…
Harim-e-haq kay tmam hadi issi ki aghosh kay samara hain…
jahan-e-insaniyat ki takhleeq hum issi kay sabab karain gay…
issi kay dushman ko hum jahan main raheen-e-ranj-o-ta’ab karain gay…
issi kay dar kay gadagaroun ka sabhi frishtay adab karain gay…
basher to kiya is kay dar pay ja kar NABI (s.a.w) bhi ijazat talab karain gay…
issi kay naqsh-e-qadam kay zaroun ko chand rutbay main kab milay ga…
issi kay sar ki rida kay saye ko chandni ka laqab milay ga…

Salam YA bint-e-ALI (a.s)

Us Ke Lehjay Ki Taseer Dekhi Mein Nay...
Us Ki Guftar Ki Zanjeer Dekhi Mein Nay...
Kaat Ke Phaink Diya Jis Ney Lafzon Ki Takrar Say...
ALI(a.s) Ki BETI Mein ALI(a.s) Ki Tasveer Dekhi Mein Nay...

HUSSAIN (a.s) KIYA HEY...

HUSSAIN (a.s) KIYA HEY...

H: Hasratoun ki Akhri Manzil
U: Ummidoun ki Panahgah
S: Sajda-e-Ishq aur
S: Sabar ki Inteha
A: Akhirat main Bakhshish ka wahid rasta
I: Insaniat ki darsgah
N: Nawasa-e-Rasool-e-KHUDA

Bohat hey Zikr-e-Ali (a.s)

Safar taveel hey aur Rah-e-nijaat choti hey...
Bohat hey Zikr-e-Ali (a.s) aur hayat choti hey...
Ali (a.s) ko kesay mein Maula-e-Kainat kahoon...
Bara hey naam-e-Ali (a.s) aur Kainat choti hey...

Salam YA Umm-e-Abiha (a.s)

kahin banaye se bint-e-RASOOL (s.a.w) banti hain...
koi koi kali mushkil se phool banti hai...
pidar RASOOL (s.a.w) hon shohar ALI (a.s) ,pisar hasnain...
ye sab sifaaat hon tab ek BATOOL (a.s) banti hain...

Mera Imaan ALI (a.s)

Duniya chahy maane na maane apna to imaan ALI(a.s) hay...

bister per soye to Muhammad (s.a.w) boly to Qura'an ALI (a.s) hay...

aik hi noor ky do tukray hain aik ALI (a.s) hain aik muhammad (s.a.w)...

deen-e-KHUDA ki rooh muhammad (s.a.w) deen-e-KHUDA ki jaan ALI (a.s) hay...

HAQ ALI

Salam
YA ALI (a.s) tery chahny waloun ki khair